Sarrera. Zer da Deusto Open Books?

Sarrera librea (ingelesez, open access) bibliografia-ekoizpenera hurbiltzeko beste modu bat da; horrela, irakurlearen eskura jartzen dira, modu librean eta berehala, Internet bidez irakurri, behera kargatu eta gorde ahal diren materialak.

Izendapen hau duten tituluak, beraz, kontsultatu, ezagutzera eman eta aipatu egin daitezke –autoretza behar bezala adierazi beharko da eta obra osotasunean errespetatu beharko da–, finantza- edo lege-arloko eragozpenik gabe.

Ekimen hori dela eta, Deustuko Unibertsitateak abian jarri du zerbitzu hau, edukiak kudeatzeko, modu elektronikoan babesteko eta kanpora ahalik eta gehien zabaltzeko, formatu digitalean; eduki horiek zientzia- eta ikasketa-jardueraren ondoriozkoak dira, eta, horrela, pertsona-kopuru gehiagoren eskura jarri nahi dira.

Argitalpen Zerbitzuak aukera ematen du obra horiek bezeroak eskatuta inprimatzeko (Print On Demand), ohiko liburuaren formatuan; sistema horri esker, beti izango duzu eskura, eskatutako aleen tirada eta prezioa gorabehera.